Ұйымның әлеуметтік жауапкершілігі
Көптеген жылдар бойы "Құрылысэкспертпроект" ЖШС өзінің кәсіби қызметін жүзеге асырумен қатар қызметкерлерді қолдау, білім беру ұйымдарына көмек көрсету, қоғаммен және үкіметтік емес ұйымдармен ынтымақтастық, қайырымдылық және демеушілік көмек көрсету сияқты әлеуметтік жауапкершілік саясатын белсенді жүргізеді. Бұл ретте бизнесті ашық әрі жауапкершілікпен жүргізу қағидалары сақталады.
Әлеуметтік қолдаудың ішкі факторлары
Компания өзінің барлық қызметкерлеріне жұмыс өтіліне, мәртебесіне, жалақы мөлшеріне немесе жұмыс нәтижелеріне қарамастан бірдей көлемде кепілді әлеуметтік жеңілдіктер береді. Қызметкерлерге белгіленген жағдайларда төленетін материалдық көмек белгіленген (баланың тууы немесе асырап алуы, жақын туысының қайтыс болуы, неке қию).
Компания біліктілікті арттыру курстарын, тренингтерді, оқыту семинарларын ұйымдастыру, инновациялық технологияларды, жобалау және құрылыс саласындағы бағдарламалық қамтамасыз етуді, басқарудың, жоспарлаудың және еңбек өнімділігін арттырудың жаңа әдістерін меңгеруге және танысуға көмектесетін көрмелер мен тұсаукесерлерге қатысу арқылы қызметкерлердің жеке және кәсіби өсуі үшін барлық жағдай жасайды.
2018 жылы Қарағанды мемлекеттік техникалық университетімен сәулет-құрылыс факультеті студенттерінің компания базасында тәжірибеден өтуі туралы келісім жасалды. Практика аяқталғаннан кейін белгіленген критерийлерге сәйкес ең жақсы нәтижелер көрсеткен оқушыларға компанияда жұмысқа орналасу ұсынылады.
Жыл сайын компания «Қарағанды қаласының жұмыспен қамту орталығы» КММ жұмысқа жіберілетін жұмыссыз жас мамандарды қолдау бойынша «Жастар тәжірибесі» Мемлекеттік әлеуметтік бағдарламасына қатысады. Компанияда жаңадан бастаған мамандарды оқыту мақсатында тәлімгерлік институты енгізілді.
Әлеуметтік қолдаудың сыртқы факторлары
Компанияның негізгі ұстанымдарының бірі – бұл қоғамдық ұйымдарға, балалар үйлеріне, мүмкіндігі шектеулі балаларға арналған білім беру мекемелеріне көмек көрсету.
Мысалы, «Құлыншақ» балалар үйіне техникалық тексеру және күрделі жөндеу бойынша жобалық-сметалық құжаттама өтеусіз негізде әзірленді, сонымен қатар компания басшылығы Қамқоршы кеңесіне кіреді.
Компания «Дорога в школу», «Лучшее лето», «Хоровод улыбок», «Қуан сәби» сияқты өңірдің көптеген әлеуметтік жобаларына, сондай-ақ мүмкіндігі шектеулі балаларға арналған спорттық іс-шараларға қатысады.
«Мир и капелька любви» қоғамдық қорына жетімдерге сыртқы киім сатып алуға қаржылай көмек көрсетілді.
«Дар» қоғамдық қорына қаржылай көмек көрсетілді.
«Әсем» отбасылық үлгідегі балалар үйі КММ филиалы «Жарқын» атты Жасөспірімдер үйіне тұрмыстық техника сатып алынды.
Көліктегі қауіпсіздік туралы саясаты
«Құрылысэкспертпроект» ЖШС қызметтік автокөліктерді пайдалану кезінде жол-көлік оқиғаларына жол бермеуге бағытталған саясатты ұстанады.
Мақсаты
- көлік құралдарын пайдалану кезінде адамдардың өмірі мен денсаулығын сақтау;
- жол-көлік оқиғаларының алдын алу және олардың салдарының ауырлығын азайту;
- көлік құралдарының қоршаған ортаға, инфрақұрылымға теріс әсерін азайту және серіктестіктің мүлкін сақтау.
Қағидаттар
- жол қозғалысы қауіпсіздігі саласындағы заңнама мен серіктестіктің көлік құралдарын ұйымдастыру және қауіпсіз басқару жөніндегі ішкі актілерінің талаптарын сақтау;
- көлік құралдарын белгіленген нормаларға толық көлемде сәйкес жинақталған техникалық жарамды түрінде желіге шығару;
- алкогольдің, есірткі құралдарының, психотроптық заттардың және олардың аналогтарының әсерінде көлік құралын басқаруға байланысты бұзушылық фактілеріне , сондай – ақ олардың салдарларына төзбеушілік – осы қағидатты бұзудың әрбір фактісіне кінәлі қызметкермен, белгіленген тәртіппен, еңбек қатынастарын тоқтатуға әкеп соғады;
- басшылар мен жолаушылар тарапынан жүргізушілерді жол жүрісі қауіпсіздігі талаптарын бұзуға мәжбүр ететін кез келген іс-әрекеттерге немесе нұсқауларға жол бермеу;
- жүргізуші лауазымына біліктілігі мен жұмыс тәжірибесіне сәйкестігін қатаң іріктеу;
- әрбір жол-көлік оқиғасын түпкілікті себептерін анықтау және алдын алу мен түзету шараларын қабылдау мақсатында уақытылы есепке алу және ішкі қызметтік тексеру жүргізу қажет;
- корпоративтік қауіпсіздік шараларын сақтау.
Өрескел бұзушылық
- жүргізуші мен барлық жолаушылар қауіпсіздік белдіктерімен бекітілмей көлік құралдарының қозғалысы;
- белгіленген жылдамдық режимін арттыру;
- көлік құралының қозғалысы кезінде жүргізушілердің Bluetooth гарнитурасын қолданбай мобильді құрылғыны пайдалануы;
- көлік құралдары салонында темекі шегу;
- серіктестіктің көлік құралдарында бөгде адамдарды және/немесе жүктерді тасымалдау.
Саясаттың күші серіктестіктің барлық қызметкерлеріне қолданылады.
Еңбекті және қоршаған ортаны қорғауды басқару жүйелеріне қажетті ресурстарымен және жағдайларымен қамтамасыз ету жауапкершілігін компания басшылығы өзіне алады.